ନୀତି ଆୟୋଗ ଇଣ୍ଡିଆ ଇଣ୍ଡେକ୍ସ ୨୦୨୦-୨୧ରେ ‘ଫ୍ରଣ୍ଟ ରନର’କୁ ଓଡ଼ିଶା ଉନ୍ନୀତ

ଭୁବନେଶ୍ୱର:(ରାଜ୍ୟକାହାଣୀ)ନୀତି ଆୟୋଗ ଇଣ୍ଡିଆ ଇଣ୍ଡେକ୍ସ ୨୦୨୦-୨୧ରେ ‘ଫ୍ରଣ୍ଟ ରନର’କୁ ଉନ୍ନୀତ ହେଲା ଓଡ଼ିଶା । ସ୍ୱାସ୍ଥ୍ୟସେବା କ୍ଷେତ୍ରରେ ମିଳିଛି ଏହି ସଫଳତା। ଓଡ଼ିଶାରେ ଚିକିତ୍ସା କ୍ଷେତ୍ରରେ ଆସିଛି ବୈପ୍ଳବିକ ପରିବର୍ତ୍ତନ। କିଛି ବର୍ଷ ମଧ୍ୟରେ ସ୍ୱାସ୍ଥ୍ୟସେବାରେ ଆଖିଦୃଶିଆ ଉନ୍ନତି ହୋଇଛି । ବିଭିନ୍ନ ସଂସ୍କାରମୂଳକ ପଦକ୍ଷେପ ଗ୍ରହଣ କରିଛନ୍ତି ରାଜ୍ୟ ସରକାର। ସୁସ୍ଥ ଓଡ଼ିଶା ସୁଖୀ ଓଡ଼ିଶା, ପ୍ରତ୍ୟେକ ଜୀବନ ମୂଲ୍ୟବାନ ଲକ୍ଷ୍ୟ ନେଇ ଗୁଣାତ୍ମକ ସ୍ୱାସ୍ଥ୍ୟସେବା କ୍ଷେତ୍ରରେ ସର୍ବଭାରତୀୟ ସୁବିଧା ସୁନିଶ୍ଚିତ କରିଆସିଛି ଓଡ଼ିଶା।

ଶିଶୁ ମୃତ୍ୟୁହାର ହ୍ରାସ, ଡାକ୍ତରଖାନାରେ ପ୍ରସବ, ଟିକାକରଣ କ୍ଷେତ୍ରରେ ରାଜ୍ୟରେ ଯଥେଷ୍ଟ ଉନ୍ନତି ପରିଲକ୍ଷିତ ହୋଇଛି। ସ୍ବାସ୍ଥ୍ୟସେବାକୁ ସୁବ୍ୟବସ୍ଥିତ ଓ ବ୍ୟାପକ କରାଯାଇଛି । କେନ୍ଦ୍ର ଗୁଣବତ୍ତା ମାନଗୁଡିକୁ ରାଜ୍ୟସରକାରଙ୍କ ପକ୍ଷରୁ ଗୁରୁତ୍ୱ ଦିଆଯାଇଛି । ଭାଇରାଲ ହେପାଟାଇଟିସ୍ ନିୟନ୍ତ୍ରଣ କାର‌୍ୟ୍ୟକ୍ରମରେ ୧୩ ଲକ୍ଷ ଗର୍ଭବତୀ ମହିଳା , ୯ ହଜାର ପାଖାପାଖି ଶିଶୁଙ୍କୁ ଚିକତ୍ସା କରାଯାଇଛି । ସେହିପରି ୧ ଲକ୍ଷ ୫୦ ହଜାରରୁ ଅଧିକ ମେତିଆବିନ୍ଦୁ ଅସ୍ତ୍ରୋପଚାର କରାଯାଇଛି ।

Leave A Reply

Your email address will not be published.

five × three =