ପଞ୍ଚାୟତ ଓ ପୌର ନିର୍ବାଚନ ପୂର୍ବରୁ ବିଜେଡିର ନୂଆ ମିଡିଆ ଟିମ୍ ! ଏହିମାନଙ୍କୁ ମିଳିଲା ଗୁରୁତ୍ୱପୂର୍ଣ୍ଣ ଦାୟିତ୍ୱ

ଭୁବନେଶ୍ଵର (ରାଜ୍ୟ କାହାଣୀ ) ପଞ୍ଚାୟତ ଓ ପୌର ନିର୍ବାଚନ ପାଇଁ  ମିଡିଆ ସେଲ ଟିମ ଗଠନ କଲେ ବିଜେଡି ସୁପ୍ରିମୋ । ବୈଦ୍ୟୁତିକ ଗଣମାଧ୍ୟମ ପାଇଁ ମୁଖ୍ୟ ସଂଯୋଜକ ଭାବେ ଅରୁଣ ସାହୁଙ୍କ ଦାୟିତ୍ୱ । ବରିଷ୍ଠ ସଂଯୋଜକ ହେଲେ ଦେବେଶ ଆଚାର୍ଯ୍ୟ ଓ ବୈଦ୍ୟୁତିକ ଗଣମାଧ୍ୟମ ସଂଯୋଜକ ଲେନିନ ମହାନ୍ତି । ସେହିପରି ପ୍ରିଣ୍ଟ ମିଡିଆ ମୁଖ୍ୟ ସଂଯୋଜକ ହେଲେ ସଞ୍ଜୟ ଦାସ ବର୍ମା । ବରିଷ୍ଠ ସଂଯୋଜକ ଭାବେ ଗୌତମ ବୁଦ୍ଧ ଦାସ ଓ ସଂଯୋଜକ ପ୍ରିୟବ୍ରତ ମାଝୀଙ୍କୁ ଦାୟିତ୍ୱ ଦେଇଛନ୍ତି ବିଜେଡି ସଭାପତି । ସେହିପରି ସୋସିଆଲ ମିଡ଼ିଆ ଓ ଆଇଟି ସେଲ ମୁଖ୍ୟ ସଂଯୋଜକ ଭାବେ ପ୍ରତାପ ଜେନାଙ୍କୁ ଦାୟିତ୍ୱ ମିଳିଛି ।ସେହିଭଳି ୧୦ ଜଣ ବରିଷ୍ଠ ନେତା/ନେତ୍ରୀଙ୍କୁ ଦଳର ଜାତୀୟ ମୁଖପାତ୍ର ଏବଂ ୩୦ ଜଣ ବରିଷ୍ଠ, ଅଭିଜ୍ଞ ଓ ଟାଣୁଆ ଯୁବ ନେତା/ନେତ୍ରୀଙ୍କୁ ରାଜ୍ୟ ମୁଖପାତ୍ର ଭାବରେ ନିଯୁକ୍ତି ଦିଆଯାଇଛି । ବରିଷ୍ଠ ପେନାଲିଷ୍ଟ ତାଲିକାରେ ୨୦ ଜଣ, ସୋସିଆଲ୍ ମିଡିଆ ଷ୍ଟିୟରିଂ କମିଟିରେ ୨୦ ଜଣ ଏବଂ ଆଇଟି ଷ୍ଟିୟରିଂ କମିଟିରେ ୧୫ ଜଣ ନେତାଙ୍କୁ ସ୍ଥାନ ମିଳିଛି ।