ଚନ୍ଦ୍ରଯାନ-୪ ମିଶନ ପାଇଁ ଚନ୍ଦ୍ର ପୃଷ୍ଠରେ ସୁରକ୍ଷିତ ଅବତରଣ ସ୍ଥଳୀ ପାଇଛି ଇସ୍ରୋ । ଚନ୍ଦ୍ରର ଦକ୍ଷିଣ ମେରୁ ନିକଟରେ ଅବତରଣ କରିବ ଚନ୍ଦ୍ରଯାନ-୪ । ଚନ୍ଦ୍ରଯାନ-୨ ଅର୍ବିଟର୍ରେ ମିଳିଥିବା ଫଟୋ ଆଧାରରେ ବୈଜ୍ଞାନିକମାନେ ମନ୍ସ ମାଉଣ୍ଟେନ୍ (ଏମ୍ଏମ୍-୪) କ୍ଷେତ୍ରକୁ ଅବତରଣ ପାଇଁ ଉପଯୁକ୍ତ ବୋଲି କହିଛନ୍ତି । ତେବେ ଚନ୍ଦ୍ରରୁ ମାଟି ଏବଂ ପଥର ସଂଗ୍ରହ କରି ପୃଥିବୀକୁ ଆଣିବାକୁ ଲକ୍ଷ୍ୟ। ୨୦୨୮ ମସିହାରେ ଚନ୍ଦ୍ରଯାନ-୪ ଲଞ୍ଚ କରିବାକୁ ଲକ୍ଷ୍ୟ ରହିଛି ଇସ୍ରୋ ।କେନ୍ଦ୍ର ସରକାର ଚନ୍ଦ୍ରଯାନ-୪ ମିଶନ୍ କୁ ଅନୁମୋଦନ କରିଛନ୍ତି। ଏହି ମିଶନ୍ ଚନ୍ଦ୍ର ନମୁନା ଆଣିବ। ଏହା ଏପର୍ଯ୍ୟନ୍ତ ଭାରତର ସବୁଠାରୁ ଜଟିଳ ଚନ୍ଦ୍ର ମିଶନ୍ ହେବ। ଭାରତୀୟ ମହାକାଶ ଗବେଷଣା ସଂଗଠନ (ISRO) ଅଧ୍ୟକ୍ଷ ଭି. ନାରାୟଣନ୍ ପୂର୍ବରୁ କହିଥିଲେ, “ଆମେ ଚନ୍ଦ୍ରଯାନ-୪ ପାଇଁ ୨୦୨୮ ଲକ୍ଷ୍ୟ ରଖିଛୁ।” ମନ୍ସ ମାଉଣ୍ଟେନ୍ ଚନ୍ଦ୍ରର ଦକ୍ଷିଣ ମେରୁ ନିକଟରେ ସ୍ଥିତ ପ୍ରାୟ ୬ ହଜାର ମିଟର ଉଚ୍ଚ ପାହାଡ଼ । ଏହାର ଶିଖର ଆପାତତଃ ସମତଳ, ଯାହା ମହାକାଶ ଯାନର ଅବତରଣ ଲାଗି ଅନୁକୂଳ । ତଥାପି ଅବତରଣ ସ୍ଥଳୀକୁ ନେଇ ଚୂଡ଼ାନ୍ତ ନିଷ୍ପତ୍ତି ମିଶନ ଲଞ୍ଚ୍ ପୂର୍ବରୁ ନିଆଯିବ । ମନ୍ସ ମାଉଣ୍ଟେନ୍ରେ ଅଧିକ ସମୟ ସୂର୍ଯ୍ୟାଲୋକ ପଡୁଥିବାରୁ ଏହା ବୈଜ୍ଞାନିକଙ୍କ ପାଇଁ ଗୁରୁତ୍ୱପୂର୍ଣ୍ଣ ହୋଇଛି । ଏଠାରେ ୱାଟର ଆଇସ୍ (ଜଳ ବରଫ) ଉପସ୍ଥିତିର ସମ୍ଭାବନା ବି ରହିଛି । ମନ୍ସ ମାଉଣ୍ଟେନ୍ ଲିବନିଟ୍ଜ ବିଟା ନାମରେ ପରିଚିତ ଥିଲା । ପରେ ନାସାର ଗଣିତଜ୍ଞ ଓ କମ୍ପ୍ୟୁଟର ପ୍ରୋଗ୍ରାମର୍ ମେଲ୍ବା ରୟ ମାଉଣ୍ଟେନ୍ଙ୍କ ନାମ ଅନୁସାରେ ଏହାର ନାଁ ହେଲା ମନ୍ସ ମାଉଣ୍ଟେନ୍ ।ଚନ୍ଦ୍ରଯାନ-୪ ର ପାଞ୍ଚଟି ମୁଖ୍ୟ ଉପାଦାନ ଅଛି: ପ୍ରପଲ୍ସନ୍ ମଡ୍ୟୁଲ୍ (PM), ଡିସେଣ୍ଡର୍ ମଡ୍ୟୁଲ୍ (DM), ଆସେଣ୍ଡର୍ ମଡ୍ୟୁଲ୍ (AM), ଟ୍ରାନ୍ସଫର ମଡ୍ୟୁଲ୍ (TM), ଏବଂ ପୁନଃ-ପ୍ରବେଶ ମଡ୍ୟୁଲ୍ (RM)। DM ଏବଂ AM ଏକ ଷ୍ଟାକ୍ ଗଠନ କରିବେ ଯାହା ଧୀରେ ଧୀରେ ନିର୍ଦ୍ଦିଷ୍ଟ ଚନ୍ଦ୍ର ପୃଷ୍ଠକୁ ଅବତରଣ କରିବ। AM ଏବଂ DM ର ସଠିକ୍ ପଥ ଏବଂ ନାଭିଗେସନ୍, ମାର୍ଗଦର୍ଶନ ଏବଂ ନିୟନ୍ତ୍ରଣ ପ୍ରଣାଳୀ ସାହାଯ୍ୟରେ ମୁଖ୍ୟ ଅବତରଣ ହାସଲ କରାଯିବ। ଏହା ସହିତ, ଏକ ସୁରକ୍ଷିତ ଅବତରଣ ପାଇଁ, ଏକ ଅବତରଣ ସ୍ଥାନ ଚୟନ କରାଯିବ ଯାହା ଲ୍ୟାଣ୍ଡରର ସମସ୍ତ ଆବଶ୍ୟକତାକୁ ପୂରଣ କରେ।