ରୟାସନ ବିଜ୍ଞାନ ପାଇଁ ବୁଧବାର ନୋବେଲ୍ ପୁରସ୍କାର ବିଜେତାଙ୍କ ନାଁ ଘୋଷଣା କରାଯାଇଛି । ରୟାଲ ସ୍ୱିଡିସ ଏକାଡେମୀ ଅଫ୍ ସାଇନ୍ସେସ୍ ହେନରୀ ବି.କାଗନ୍ ଏବଂ କେନ୍ସୋ ସୋଆଇଙ୍କୁ “ଅସିମିତିକ ଜୈବ ସଂଶ୍ଳେଷଣରେ ନନ୍-ଲିନିୟର ପ୍ରଭାବ ଏବଂ ଅଟୋକ୍ୟାଟାଲିସିସ୍ ଆବିଷ୍କାର ପାଇଁ ରସାୟନ ବିଜ୍ଞାନରେ ନୋବେଲ୍ ପ୍ରଦାନ କରାଯିବ । ହେନରୀ କାଗନ ପ୍ୟାରିସ୍ ବିଶ୍ୱବିଦ୍ୟାଳୟରେ ଏବଂ କେନ୍ସୋ ସୋଆଇ ଟୋକିଓ ବିଜ୍ଞାନ ବିଶ୍ୱବିଦ୍ୟାଳୟରେ କାର୍ଯ୍ୟରତ ଅଛନ୍ତି ।ସେମାନଙ୍କର ଏହି ଗବେଷଣା ବର୍ତ୍ତମାନ ଔଷଧ ପ୍ରସ୍ତୁତି (Pharmaceutical Manufacturing) କ୍ଷେତ୍ରରେ ବହୁଳ ଭାବରେ ବ୍ୟବହୃତ ହେଉଛି । ଅନେକ ସମୟରେ ଔଷଧର ଗୋଟିଏ ଦର୍ପଣ ପ୍ରତିବିମ୍ବ ଶରୀର ପାଇଁ ଲାଭଦାୟକ ହେଉଥିବା ବେଳେ ଅନ୍ୟଟି କ୍ଷତିକାରକ ହୋଇଥାଏ । ଏହି ଆବିଷ୍କାର ଯୋଗୁଁ କେବଳ ଲାଭଦାୟକ ଓ ନିରାପଦ ଔଷଧ ପ୍ରସ୍ତୁତ କରିବା ସହଜ ହୋଇପାରିଛି । ଏହା ପୂର୍ବରୁ ସୋମବାର ଚିକିତ୍ସା ବିଜ୍ଞାନ ଏବଂ ମଙ୍ଗଳବାର ପଦାର୍ଥ ବିଜ୍ଞାନରେ ନୋବେଲ ପୁରସ୍କାର ଘୋଷଣା ହୋଇଥିଲା । ନୋବେଲ୍ ପୁରସ୍କାର ବିଜେତାଙ୍କୁ ୧୨ ନିୟୁତ ସ୍ୱିଡିସ୍ କ୍ରୋନୋର (୧.୨ ନିୟୁତ ଡଲାର) ପୁରସ୍କାର ରାଶି ପ୍ରଦାନ କରାଯିବ, ଯାହା ବିଜେତାଙ୍କ ମଧ୍ୟରେ ଭାଗ କରାଯିବ ।