ପୁଣି ହର୍ମୁଜରୁ ଆସିଛି ଏକ ବଡ ଖବର। କୁୱେତ ପତାକା ବହନ କରୁଥିବା ଅଶୋଧିତ ତୈଳ ଟ୍ୟାଙ୍କର ଉପରେ ଆକ୍ରମଣ ହୋଇଛି। ଏଥିରେ ଥିବା ପାଞ୍ଚ ଜଣ ଭାରତୀୟ ନାଗରିକଙ୍କୁ ପରେ ସୁରକ୍ଷିତ ଭାବରେ ବାହାର କରାଯାଇଥିଲା।ସମସ୍ତ ଭାରତୀୟ ନାବିକଙ୍କ ସ୍ୱାସ୍ଥ୍ୟ ଠିକ୍ ଥିବା ସୂଚନା ମିଳିଛି । ରିପୋର୍ଟ ଅନୁସାରେ, କୁଏତ୍ ପତାକା ବୋହିଥିବା କ୍ରୁଡ୍ ଅଏଲ୍ ଟ୍ୟାଙ୍କର MT Kazimah I ଉପରେ ଏହି ଆକ୍ରମଣ ହୋଇଥିଲା । ଜାହାଜଟି ଲୋମେ ଅଭିମୁଖେ ଯାତ୍ରା କରୁଥିବା ବେଳେ ହର୍ମୁଜ୍ ଷ୍ଟ୍ରେଟ୍ ଅଞ୍ଚଳରେ ଏକ ପ୍ରୋଜେକ୍ଟାଇଲ୍ ଦ୍ୱାରା ଆଘାତ ପାଇଥିଲା ।ଘଟଣା ପରେ ଉଦ୍ଧାରକାରୀ ଦଳ ତୁରନ୍ତ ସକ୍ରିୟ ହୋଇ ୫ ଭାରତୀୟ ନାବିକଙ୍କୁ ସୁରକ୍ଷିତ ସ୍ଥାନକୁ ନେଇଥିଲେ ।ଏହି ଘଟଣା ଏପରି ସମୟରେ ଘଟୁଛି ଯେତେବେଳେ ପାରସ୍ୟ ଉପସାଗର ଏବଂ ଆଖପାଖ ଅଞ୍ଚଳରେ ବାଣିଜ୍ୟିକ ଜାହାଜ ଚଳାଚଳ ମାର୍ଗର ସୁରକ୍ଷା ନେଇ ଚିନ୍ତା ବୃଦ୍ଧି ପାଉଛି। ହର୍ମୁଜ୍ ବିଶ୍ୱର ସବୁଠାରୁ ଗୁରୁତ୍ୱପୂର୍ଣ୍ଣ ସାମୁଦ୍ରିକ ଅବରୋଧକ ମଧ୍ୟରୁ ଗୋଟିଏ ଏବଂ ତୈଳ ଏବଂ ଅନ୍ୟାନ୍ୟ ଶକ୍ତି ଯୋଗାଣ ପାଇଁ ଗୁରୁତ୍ୱପୂର୍ଣ୍ଣ।