ପଶ୍ଚିମବଙ୍ଗରେ ଏକ ବଡ଼ ବିଜୟ ପରେ, ରାଜ୍ୟରେ ଭାଜପାର ପ୍ରଥମ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ ଆଜି ଆନୁଷ୍ଠାନିକ ଭାବରେ ଶପଥ ଗ୍ରହଣ କରିଛନ୍ତି । କୋଲକାତାର ବ୍ରିଗେଡ ପରେଡ ଗ୍ରାଉଣ୍ଡରେ ହଜାର ହଜାର ଲୋକଙ୍କ ଭିଡ଼ ମଧ୍ୟରେ, ଶୁଭେନ୍ଦୁ ଅଧିକାରୀ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି । ତେବେ ଶୁଭେନ୍ଦୁ ଅଧିକାରୀଙ୍କ ଶପଥ ଗ୍ରହଣ ଉତ୍ସବରେ ପ୍ରଧାନମନ୍ତ୍ରୀ ମୋଦିଙ୍କ ସହିତ ଅନେକ ଭାଜପା ମୁଖ୍ୟମନ୍ତ୍ରୀ ସାମିଲ ହୋଇଥିଲେ । ତେବେ କାହିଁକି ମଞ୍ଚ ଉପରେ ମାଖନଲାଲଙ୍କ ପାଦ ଛୁଇଁଲେ ମୋଦି। ପଶ୍ଚିମବଙ୍ଗରେ ବିଜେପିର ମୂଳଦୁଆ ପକାଇଥିବା ସବୁଠାରୁ ବରିଷ୍ଠ ନେତାଙ୍କ ମଧ୍ୟରୁ ଜଣେ, ହେଉଛନ୍ତି ୯୮ ବର୍ଷୀୟ ମାଖନଲାଲ ସରକାର ।ସ୍ୱାଧୀନତା ପରବର୍ତ୍ତୀ ଭାରତରେ ଜାତୀୟତାବାଦୀ ଆନ୍ଦୋଳନର ପ୍ରାରମ୍ଭିକ ଏବଂ ପ୍ରମୁଖ ତୃଣମୂଳ ସ୍ତରର ନେତାମାନଙ୍କ ମଧ୍ୟରୁ ମାଖନଲାଲ ସରକାର ଜଣେ ଥିଲେ। ଜାତୀୟତାବାଦ ପ୍ରତି ତାଙ୍କର ଉତ୍ସର୍ଗୀକୃତତା ଦଶନ୍ଧି ଧରି ବ୍ୟାପିଛି। ୧୯୫୨ ମସିହାରେ ଯେତେବେଳେ ଶ୍ୟାମା ପ୍ରସାଦ ମୁଖାର୍ଜୀ କାଶ୍ମୀରରେ ଭାରତୀୟ ତ୍ରିରଙ୍ଗା ଉତ୍ତୋଳନ ପାଇଁ ଏକ ଐତିହାସିକ ଆନ୍ଦୋଳନର ନେତୃତ୍ୱ ନେଇଥିଲେ, ମାଖନଲାଲ ଏହି ଅଭିଯାନରେ ତାଙ୍କ ସହିତ ଯୋଗ ଦେଇଥିଲେ।ଏହି ଆନ୍ଦୋଳନ ସମୟରେ ତାଙ୍କୁ କାଶ୍ମୀରରେ ଗିରଫ ମଧ୍ୟ କରାଯାଇଥିଲା। ୧୯୮୦ ମସିହାରେ ଯେତେବେଳେ ଭାରତୀୟ ଜନତା ପାର୍ଟି ଆନୁଷ୍ଠାନିକ ଭାବରେ ଗଠିତ ହେଲା, ସେ ପଶ୍ଚିମବଙ୍ଗରେ ସଂଗଠନ ଗଠନର ଦାୟିତ୍ୱ ଗ୍ରହଣ କଲେ। ୧୯୮୧ ମସିହାରୁ, ସେ ଲଗାତାର ସାତ ବର୍ଷ ପାଇଁ ଜିଲ୍ଲା ସଭାପତି ଭାବରେ କାର୍ଯ୍ୟ କରିଥିଲେ। ତାଙ୍କୁ ପଶ୍ଚିମ ଦିନାଜପୁର, ଜଳପାଇଗୁଡ଼ି ଏବଂ ଦାର୍ଜିଲିଂ ଜିଲ୍ଲା ପାଇଁ ସଂଗଠନ ସଂଯୋଜକ ଭାବରେ ନିଯୁକ୍ତ କରାଯାଇଥିଲା। ତାଙ୍କର ନେତୃତ୍ୱ ଏବଂ ସଂଗଠନ ଦକ୍ଷତା ଏତେ ପ୍ରଭାବଶାଳୀ ଥିଲା ଯେ ମାତ୍ର ଗୋଟିଏ ବର୍ଷ ମଧ୍ୟରେ ସେ ଦଳରେ ପ୍ରାୟ ୧୦,୦୦୦ ନୂତନ ସଦସ୍ୟଙ୍କୁ ଯୋଡିଥିଲେ।ତେବେ ସେଥି ପାଇଁ ମଞ୍ଚ ଉପରେ ମାଖନଲାଲଙ୍କ ପାଦ ଛୁଇଁଲେ ମୋଦି । ଏହି ସମୟରେ ଉପସ୍ଥିତ ଲୋକେ ଭାବବିହ୍ବଳ ହୋଇଯାଇଥିବା ଦେଖାଯାଇଥିଲା । ଏହି ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।