ଯଦି କୌଣସି ପିଲାଙ୍କ ବାପା-ମାଆ ଉଚ୍ଚ ପଦସ୍ଥ ଅଧିକାରୀ ଅଛନ୍ତି ତାହେଲେ ତାଙ୍କ ପିଲାଙ୍କୁ କାହିଁକି ମିଳିବ ସଂରକ୍ଷଣ : ସୁପ୍ରିମକୋର୍ଟ

ଯଦି କୌଣସି ପିଲାଙ୍କ ବାପା-ମାଆ ଉଚ୍ଚ ପଦସ୍ଥ ଅଧିକାରୀ ଅଛନ୍ତି ତାହେଲେ ତାଙ୍କ ପିଲାଙ୍କୁ କାହିଁକି ମିଳିବ ସଂରକ୍ଷଣ ? ଓବିସି ସଂରକ୍ଷଣର ‘କ୍ରିମି ଲେୟାର’ ବ୍ୟବସ୍ଥାକୁ ସୁପ୍ରିମକୋର୍ଟ ଏଭଳି ଏକ ଗୁରୁତ୍ବପୂର୍ଣ୍ଣ ମନ୍ତବ୍ୟ ଦେଇଛନ୍ତି ।ସାମାଜିକ ଗତିଶୀଳତା ଶିକ୍ଷାଗତ ଏବଂ ଆର୍ଥିକ ସଶକ୍ତିକରଣରୁ ଉତ୍ପନ୍ନ ହୁଏ। ତେଣୁ ପିଲାମାନଙ୍କ ପାଇଁ ସଂରକ୍ଷଣ ଦାବି କରିବା ଦ୍ୱାରା ଏହି ବ୍ୟବସ୍ଥାରୁ କେବେବି ପରିବର୍ତ୍ତନ ହେବ ନାହିଁ। ଏହା ଏକ ପ୍ରସଙ୍ଗ ଯାହା ଉପରେ ଆମର ଧ୍ୟାନ ଦେବା ଆବଶ୍ୟକ।ସେ ଆହୁରି ମଧ୍ୟ କହିଥିଲେ, ଛାତ୍ରୀଛାତ୍ରମାନଙ୍କ ମାତାପିତା ଭଲ ଚାକିରି କରନ୍ତି ଏବଂ ଯଥେଷ୍ଟ ଆୟ କରନ୍ତି, ତଥାପି ପିଲାମାନେ ସଂରକ୍ଷଣ ଦାବି କରିଚାଲିଛନ୍ତି। ସେମାନଙ୍କୁ ସଂରକ୍ଷଣର ଆବଶ୍ୟକତାଠାରୁ ଆଗକୁ ବଢ଼ିବା ଉଚିତ। ଏହି ପ୍ରସଙ୍ଗ ଗଭୀର ବିଚାର ବିମର୍ଶ ଆବଶ୍ୟକ।ଯେପରି ପ୍ରକୃତ ପଛୁଆ ବର୍ଗର ପିଲାମାନେ ଏହାର ଲାଭ ପାଇପାରିବେ। ଶୈକ୍ଷିକ ଏବଂ ଆର୍ଥିକ ସଶକ୍ତୀକରଣ ହିଁ ସମାଜରେ ପରିବର୍ତ୍ତନ କିମ୍ବା ସାମାଜିକ ସ୍ତରର ଉନ୍ନତି ଆଣିଥାଏ। ଯଦି ଗୋଟିଏ ପିଢ଼ି ଏହି ସଫଳତା ପାଇସାରିଛି, ତେବେ ପରବର୍ତ୍ତୀ ପିଢ଼ି ପାଇଁ ସଂରକ୍ଷଣ ଦାବି କରିବା ଦ୍ୱାରା ଏହି ବ୍ୟବସ୍ଥାର ଅନ୍ତ କେବେ ହେବ ନାହିଁ।ଯଦି କୌଣସି ପିଲାର ମାତା-ପିତା ସିଧାସଳଖ ଗ୍ରୁପ୍-A କିମ୍ବା କ୍ଲାସ୍-୧ ଅଫିସର (ଯେପରିକି IAS, IPS, IFS) ଭାବେ ନିଯୁକ୍ତ ହୋଇଛନ୍ତି କିମ୍ବା ୪୦ ବର୍ଷ ବୟସ ପୂର୍ବରୁ ଗ୍ରୁପ୍-B ପଦବୀରୁ ପ୍ରମୋଶନ ପାଇଛନ୍ତି, ତେବେ ସେମାନଙ୍କ ପିଲାମାନେ କ୍ରିମି ଲେୟାର୍ ଅନ୍ତର୍ଭୁକ୍ତ ।