ଶୀତଦିନେ ଉଷୁମ ପାଣି ପିଇବା ସ୍ୱାସ୍ଥ୍ୟ ପାଇଁ କୌଣସି ଔଷଧଠାରୁ କମ୍ ନୁହେଁ । ସ୍ୱାସ୍ଥ୍ୟ ବିଶେଷଜ୍ଞମାନେ ସକାଳେ ସର୍ବଦା ଉଷୁମ କିମ୍ବା ଗରମ ପାଣି ପିଇବାକୁ ପରାମର୍ଶ ଦିଅନ୍ତି । ଯଦି ଆପଣ ପ୍ରତିଦିନ ସକାଳେ ଉଠି ଗରମ ପାଣି ପିଅନ୍ତି, ତେବେ ଆପଣଙ୍କ ବଡି ଡିଟକ୍ସିଫିକେସନ୍ ହୋଇଥାଏ । ଗରମ ପାଣି ଲସିକା ପ୍ରଣାଳୀକୁ ଆକ୍ଟିଭ କରିଥାଏ ଏବଂ ଶରୀରରେ ଥିବା ବିଷାକ୍ତ ପଦାର୍ଥକୁ ବାହାର କରିବା ପାଇଁ କାମ କରିଥାଏ । ସକାଳେ ଉଷୁମ ପାଣି ପିଇବା ଏକ ପାୱାରଫୁଲ ନ୍ୟାଚୁରାଲ ଡିଟକ୍ସ ପରି କାମ କରେ । ତେବେ ସକାଳେ ଗରମ ପାଣି ପିଇବା ଦ୍ୱାରା ଓଜନ କମ୍ ହୋଇଥାଏ । ଯେତେବେଳେ ଆପଣ ନିୟମିତ ଉଷୁମ ପାଣି ପିଇବା ଆରମ୍ଭ କରନ୍ତି, କିଛି ଦିନ ମଧ୍ୟରେ ଆପଣ ଓଜନରେ ପାର୍ଥକ୍ୟ ଲକ୍ଷ୍ୟ କରିବା ଆରମ୍ଭ କରିବେ । ଖାଦ୍ୟରେ ପରିବର୍ତ୍ତନ ନକରି ମଧ୍ୟ ଆପଣଙ୍କ ଶରୀର ଶୀଘ୍ର ଫ୍ୟାଟ ବର୍ନ ପ୍ରକ୍ରିୟା ଆରମ୍ଭ କରେ । ଉଷୁମ ପାଣି ପିଇବା ଦ୍ୱାରା ମେଟାବୋଲିଜିମ୍ ତ୍ୱରାନ୍ୱିତ ହୋଇଥାଏ, ଯାହା ଗଚ୍ଛିତ ଫ୍ୟାଟ ବର୍ନରେ ସାହାଯ୍ୟ କରିଥାଏ ।ସକାଳେ ୧ ଗ୍ଲାସ୍ ଉଷୁମ ପାଣି ପିଇବା ଭଲ । ସମସ୍ତେ ଅତି କମରେ ୧ ଗ୍ଲାସ୍ ଉଷୁମ ପାଣି ପିଇବା ଜରୁରୀ ।