ରୁଷିଆର ସୁଦୂର ପୂର୍ବରେ ଅବସ୍ଥିତ କାମଚାଟକା ଉପଦ୍ୱୀପ ଅଞ୍ଚଳରେ ଶୁକ୍ରବାର ଦିନ ଶକ୍ତିଶାଳୀ ଭୂମିକମ୍ପର ଝଟକା ଅନୁଭୂତ ହୋଇଛି । ଭୂମିକମ୍ପର ତୀବ୍ରତା ୭.୦ ଥିବା ସୂଚନା ମିଳିଛି ।ତେବେ ଏହି ଭୂମିକମ୍ପରେ କେତେ ପରିମାଣର କ୍ଷୟକ୍ଷତି ହୋଇଛି ଏବଂ କେତେଜଣ ଲୋକ ଆହତ ହୋଇଛନ୍ତି ସେନେଇ କୌଣସି ନିଶ୍ଚିତ ସୂଚନା ମିଳିପାରିନାହିଁ ।ପ୍ରାଥମିକ ତଥ୍ୟ ଅନୁଯାୟୀ, ଭୂମିକମ୍ପଟି ୧୪୦ କିଲୋମିଟର ଗଭୀରତାରେ ହୋଇଥିଲା ଏବଂ ପ୍ରାୟ ଅପରାହ୍ନ ୩.୩୫ ରୁଷୀୟ ସମୟରେ ହୋଇଥିଲା। ଭୂମିକମ୍ପର କେନ୍ଦ୍ରସ୍ଥଳ ରୁଷିଆର ପେଟ୍ରୋପାଭଲୋଭସ୍କ-କାମଚାଟସ୍କିର ଦକ୍ଷିଣ ଏବଂ ଦକ୍ଷିଣ-ପଶ୍ଚିମ ମଧ୍ୟରେ ୧୪୬ କିଲୋମିଟର ଏବଂ ଓଜେରନୋଭସ୍କିର ଉତ୍ତର ଏବଂ ଉତ୍ତର-ପୂର୍ବ ମଧ୍ୟରେ ୮୦ କିଲୋମିଟର ଥିଲା।