ତାମିଲନାଡୁ ମୁଖ୍ୟମନ୍ତ୍ରୀ ତଥା ଟିଭିକେ ମୁଖ୍ୟ ଥାଲାପତି ବିଜୟଙ୍କ ଆଜି ୫୨ ତମ ଜନ୍ମଦିନ । ତାମିଲ ସିନେମାର ସୁପରଷ୍ଟାର ଥଲାପାତି ବିଜୟ ବର୍ତ୍ତମାନ ଚଳଚ୍ଚିତ୍ର ଦୁନିଆ ପରେ ରାଜନୀତି ମୈଦାନରେ ମଧ୍ୟ ବଡ଼ ରେକର୍ଡ ସୃଷ୍ଟି କରିଛନ୍ତି । ମୁଖ୍ୟମନ୍ତ୍ରୀ ହେବା ପରେ ଏହା ତାଙ୍କର ପ୍ରଥମ ଜନ୍ମଦିନ । ତାଙ୍କ ଜନ୍ମ ଦିନକୁ ନେଇ ରାଜ୍ୟବ୍ୟାପୀ ତାଙ୍କ ସମର୍ଥକ ଏବଂ ଦଳୀୟ କର୍ମୀଙ୍କ ମଧ୍ୟରେ ଯଥେଷ୍ଟ ଉତ୍ସାହ ଦେଖିବାକୁ ମିଳିଛି । ଲୋକ ସଭାରେ ବିରୋଧୀ ଦଳ ନେତା ଏବଂ ବରିଷ୍ଠ କଂଗ୍ରେସ ନେତା ରାହୁଲ ଗାନ୍ଧୀ ଏକ ସ୍ବତନ୍ତ୍ର ଢଙ୍ଗରେ ତାଙ୍କୁ ଶୁଭେଚ୍ଛା ଜଣାଇଛନ୍ତି। ରାହୁଲ ଗାନ୍ଧୀ କହିଛନ୍ତି ଯେ ତାମିଲ ଲୋକଙ୍କ ଅଧିକାର, ମର୍ଯ୍ୟାଦା ଏବଂ ଆକାଂକ୍ଷାକୁ ସୁରକ୍ଷା ଦେବା ଏବଂ ରାଜ୍ୟର ପ୍ରଗତି ପାଇଁ ଏକାଠି କାମ କରିବାରେ ସେ ତାଙ୍କ ସହିତ ଠିଆ ହୋଇଛନ୍ତି। ଅଭିନେତାରୁ ରାଜନେତା ହୋଇଥିବା ଏହି ବ୍ୟକ୍ତିଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କମଲ ହାସନ ଏବଂ ନୟନଥାରା ସମେତ ରାଜନୈତିକ ଏବଂ ଚଳଚ୍ଚିତ୍ର ଜଗତରୁ ବହୁ ଶୁଭେଚ୍ଛା ମିଳିଛି । ରାଜନୈତିକ ମହଲରେ ଏହା ମଧ୍ୟ ଆଲୋଚନା ହେଉଛି ଯେ ସେ ଏହି ଅବସରରେ କିଛି ନୂତନ ନୀତି ଘୋଷଣା କରିପାରନ୍ତିଥାଲାପତି ବିଜୟ । ତାଙ୍କ ଜନ୍ମଦିନ ପାଳନ ପାଇଁ, ଟିଭିକେର ତାମିଲନାଡୁ ୟୁନିଟ୍ ମନ୍ଦିରରେ ସ୍ୱତନ୍ତ୍ର ପୂଜା, ଖାଦ୍ୟ ଦାନ କାର୍ଯ୍ୟକ୍ରମ, କଲ୍ୟାଣ ସହାୟତା ଏବଂ ବିଭିନ୍ନ ଜନସେବା କାର୍ଯ୍ୟକ୍ରମର ଯୋଜନା ରହିଛି । ଦଳ ଜିଲ୍ଲା ସ୍ତରୀୟ ନେତାମାନଙ୍କୁ ସାମୁଦାୟିକ ସେବା ଉପରେ କେନ୍ଦ୍ରିତ କାର୍ଯ୍ୟକ୍ରମ ଆୟୋଜନ କରିବାକୁ ନିର୍ଦ୍ଦେଶ ଦେଇଛି ।