ଭୁବନେଶ୍ୱର(ରାଜ୍ୟକାହାଣୀ) ଗଞ୍ଜାମ ଜିଲ୍ଲା ପାଟପୁର ଥାନା ଅଲାରିଗଡ଼ ନିଷ୍ଟିପୁର ନିକଟରୁ ଠାବ ହୋଇଛି ପ୍ରେମୀ ଯୁଗଳଙ୍କ ମୃତଦେହ । ପରକୀୟା ପ୍ରିତି ପାଇଁ ଗଲା ଜୀବନ । ଚରମ ନିଷ୍ପତ୍ତି ନେଲେ ପ୍ରେମୀଯୁଗଳ । ଖବର ଅନୁଯାୟୀ, ଗୁରୁବାର ଦିନ ସକାଳୁ ସମୟରେ ଗଞ୍ଜାମ ଜିଲ୍ଲା ପାଟପୁର ଥାନା ଅଲାରିଗଡ଼ ନିଷ୍ଟିପୁର ରାସ୍ତା ପାଖ ଜଙ୍ଗଲରେ ଥିବା ଏକ ଗଛରେ ପ୍ରେମୀ ଯୁଗଳଙ୍କ ଝୁଲନ୍ତା ମୃତଦେହ ଦେଖିଥିଲେ ସ୍ଥାନୀୟ ଲୋକ । ଏହାପରେ ତୁରନ୍ତ ନିକଟସ୍ଥ ପାଟକୁରା ଥାନାକୁ ଖବର ଦେଇଥିଲେ । ପାଟକୁରା ଥାନା ପୋଲିସ ଘଟଣାସ୍ଥଳରେ ପହଞ୍ଚି ଉଭୟଙ୍କ ମୃତଦେହ ଉଦ୍ଧାର କରିଥିଲା । ତେବେ ଉଭୟ ବିବାହିତ ଥିବା ଜଣାପଡ଼ିଛି । ଉଭୟଙ୍କର ୩ଟି ଲେଖାଏଁ ପୁଅଝିଅ ଥିବା ମଧ୍ୟ ଜଣାପଡ଼ିଛି । ବିବାହ ପରେ ମଧ୍ୟ ଦୀର୍ଘଦିନ ହେବ ଉଭୟ ପରସ୍ପରକୁ ଭଲ ପାଉଥିଲେ । ୧୦ ଦିନ ହେବ ଉଭୟ ଘର ଛାଡି ଫେରାର ହୋଇଯାଇଥିଲେ । ଆଜି ଢିମ୍ଭୀରା ପାହାଡ଼ରୁ ଦୁହିଁଙ୍କର ଝୁଲନ୍ତା ମୃତଦେହ ଜବତ କରାଯାଇଛି ।ସେହିପରି ମୃତଦେହ ନିକଟରେ କିଛି ପ୍ୟାକେଟ ପଡିଥିବା ଦେଖିବାକୁ ମିଳିଛି । ବିଷକ୍ରିୟାରୁ ମୃତ୍ୟୁ ହୋଇଛି ନା ଆଉ କେଉଁଥି ଲାଗି ମୃତ୍ୟୁ ହୋଇଛି । ରିପୋର୍ଟ ଆସିଲେ ହିଁ ସ୍ପଷ୍ଟ ହେବ ବୋଲି ଜଣାପଡିଛି ।