ଜୁଲାଇ ମାସ ପାଇଁ ବ୍ୟାଙ୍କ ଛୁଟି ତାଲିକା ପ୍ରକାଶ ପାଇଛି ।ଭାରତୀୟ ରିଜର୍ଭ ବ୍ୟାଙ୍କ (RBI) ଛୁଟିଦିନ ବିଷୟରେ ବ୍ୟାଙ୍କ ଗ୍ରାହକମାନଙ୍କୁ ସୂଚନା ଦେବା ପାଇଁ ଏକ ବିସ୍ତୃତ ମାସିକ ଛୁଟି ତାଲିକା ପ୍ରକାଶ କରିଛି । ତେବେ ବ୍ୟାଙ୍କ ଶାଖା ବନ୍ଦ ରହିବା ସତ୍ତ୍ୱେ, ଗ୍ରାହକମାନେ ସମସ୍ତ ଡିଜିଟାଲ୍ ମାଧ୍ୟମ, ଯେପରିକି UPI, ନେଟ୍ ବ୍ୟାଙ୍କିଂ, ମୋବାଇଲ୍ ବ୍ୟାଙ୍କିଂ ଏବଂ ATM ସେବା, ସପ୍ତାହର ସାତ ଦିନ, ୨୪ ଘଣ୍ଟା ବିନା ବାଧାରେ କାର୍ଯ୍ୟ କରିବ । ଗ୍ରାହକମାନେ ସହଜରେ ପାଣ୍ଠି ସ୍ଥାନାନ୍ତର କରିପାରିବେ ଏବଂ ଅନଲାଇନ୍ ପେମେଣ୍ଟ କରିପାରିବେ । ଭାରତୀୟ ରିଜର୍ଭ ବ୍ୟାଙ୍କ ନିର୍ଦ୍ଦେଶାବଳୀ ଅନୁସାରେ, ଏହି ଛୁଟିଗୁଡ଼ିକ ବିଭିନ୍ନ ରାଜ୍ୟର ସ୍ଥାନୀୟ ପର୍ବ, ସାଂସ୍କୃତିକ କାର୍ଯ୍ୟକ୍ରମ ଏବଂ ଜନ୍ମବାର୍ଷିକୀ ଉପରେ ଆଧାରିତ ।
ସାପ୍ତାହିକ ଛୁଟିଦିନର ତାଲିକା ( ସାରା ଦେଶରେ ପ୍ରଯୁଜ୍ୟ):
ଜୁଲାଇ ୫: ରବିବାର (ସାପ୍ତାହିକ ଛୁଟି)
ଜୁଲାଇ ୧୧: ଦ୍ୱିତୀୟ ଶନିବାର (ସାପ୍ତାହିକ ଛୁଟି)
ଜୁଲାଇ ୧୨: ରବିବାର (ସାପ୍ତାହିକ ଛୁଟି)
ଜୁଲାଇ ୧୯: ରବିବାର (ସାପ୍ତାହିକ ଛୁଟି)
ଜୁଲାଇ ୨୫: ଚତୁର୍ଥ ଶନିବାର (ସାପ୍ତାହିକ ଛୁଟି)
ଜୁଲାଇ ୨୬: ରବିବାର (ସାପ୍ତାହିକ ଛୁଟି)
ଆଞ୍ଚଳିକ ଏବଂ ରାଜ୍ୟସ୍ତରୀୟ ଛୁଟିଦିନ:
ସାପ୍ତାହିକ ଛୁଟି ବ୍ୟତୀତ, ଦେଶର ବିଭିନ୍ନ ସ୍ଥାନରେ ସ୍ଥାନୀୟ ପର୍ବପର୍ବାଣୀ ଯୋଗୁଁ ବ୍ୟାଙ୍କଗୁଡ଼ିକ ବନ୍ଦ ରହିବ ।
ଜୁଲାଇ ୬ (ସୋମବାର): MHIP ଦିବସ ଯୋଗୁଁ ମିଜୋରାମରେ ବ୍ୟାଙ୍କଗୁଡ଼ିକ ବନ୍ଦ ରହିବ ।
ଜୁଲାଇ ୯ (ଗୁରୁବାର): ବେହଦେହିନଖଲାମ ପର୍ବ ଅବସର ମେଘାଳୟରେ ବ୍ୟାଙ୍କ ବନ୍ଦ ।
ଜୁଲାଇ ୧୬ (ଗୁରୁବାର): ରଥଯାତ୍ରା / କଙ୍ଗ/ ହରେଲାର ପବିତ୍ର ଅବସରରେ ଓଡ଼ିଶା, ଉତ୍ତରାଖଣ୍ଡ, ମଣିପୁର ଏବଂ ମେଘାଳୟରେ ବ୍ୟାଙ୍କ ଶାଖାଗୁଡ଼ିକ ବନ୍ଦ।
ଜୁଲାଇ ୧୭ (ଶୁକ୍ରବାର): ୟୁ ତିରତ ସିଂହଙ୍କ ମୃତ୍ୟୁ ବାର୍ଷିକୀ ଅବସରରେ ମେଘାଳୟରେ ବ୍ୟାଙ୍କଗୁଡ଼ିକ ବନ୍ଦ ।
ଜୁଲାଇ ୧୮ (ଶନିବାର): ଦ୍ରୁକପା ତ୍ସେ-ଜି ବୌଦ୍ଧ ପର୍ବ ଯୋଗୁଁ ସିକ୍କିମରେ ବ୍ୟାଙ୍କଗୁଡ଼ିକ ବନ୍ଦ ରହିବ ।
ଜୁଲାଇ ୨୨ (ବୁଧବାର): ଖାରଚି ପୂଜାର ପବିତ୍ର ଅବସରରେ ତ୍ରିପୁରାରେ ବ୍ୟାଙ୍କଗୁଡ଼ିକ ବନ୍ଦ ରହିବ ।