ଭୁବନେଶ୍ୱର(ରାଜ୍ୟକାହାଣୀ) ରାୟଗଡ଼ା ରେଳ ଷ୍ଟେସନରେ ଅଭାବନୀୟ । ଟ୍ରେନ ଉପରେ ଚଢ଼ିଥିବା ଜଣେ ବ୍ୟକ୍ତି ଉଚ୍ଚ କ୍ଷମତା ସଂପନ୍ନ ବିଦ୍ୟୁତ ତାର ସଂସ୍ପର୍ଶରେ ଆସି ଜିଅନ୍ତା ଜଳିଯାଇଛନ୍ତି। କ୍ୟାମେରାରେ କଏଦ ହୋଇଛି ସେହି ଭୟଙ୍କର ଚିତ୍ର । ବିଦ୍ୟୁତ ତାର ସଂସ୍ପର୍ଶରେ ଆସିବା ହଠାତ୍ ନିଆଁ ଜଳିଗଲା ଓ ସାଙ୍ଗେ ସାଙ୍ଗେ ତଳେ ପଡ଼ିଗଲେ ବୃଦ୍ଧ । ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି ଆରପିଏଫ୍ । ସେଠାରେ ତାଙ୍କର ମୃତ୍ୟୁ ହୋଇଛି।ସୂଚନା ଅନୁଯାୟୀ, ମୃତ ବ୍ୟକ୍ତି ହେଉଛନ୍ତି ନୂଆପଡ଼ା ଜିଲ୍ଲା ରାଜଖାରିଆର ଥାନା ଅନ୍ତର୍ଗତ ବଡ଼ନାଳ ଗାଁର ୫୫ ବର୍ଷୀୟ ନରସିଂହ କାଣ୍ଡା। ସେ ସିକନ୍ଦରାବାଦକୁ ଦାଦନ ଖଟିବାକୁ ଯାଇଥିଲେ। ହେଲେ ମଙ୍ଗଳବାର ଫେରିବାବେଳେ ରାୟଗଡ଼ା ଷ୍ଟେସନରେ ଛିଡ଼ା ହୋଇଥିବା ଏକ ଓ୍ବାଗନ ଉପରକୁ ଚଢ଼ିଯାଇଥିଲେ। ଆଉ ଓ୍ବାଗନ ଉପରେ ଚଢ଼ିଥିବାବେଳେ ଉଚ୍ଚ କ୍ଷମତା ସମ୍ପନ୍ନ ବିଦ୍ୟୁତ ତାର ସଂସ୍ପର୍ଶରେ ଆସିଯାଇଥିଲେ। ଫଳରେ ଜିଅନ୍ତା ଜଳିଯାଇଥିଲେ ନରସିଂହ।