ଭୁବନେଶ୍ୱର(ରାଜ୍ୟକାହାଣୀ) ବରଗଡ଼ରେ ବିଭତ୍ସ ହତ୍ୟା । ଜ୍ବାଇଁକୁ ଛୁରାମାଡ କଲେ ଶ୍ବଶୁର ଘର ଲୋକେ । ଏନେଇ ଥାନାରେ ଅଭିଯୋଗ ହୋଇଛି ।ପଦ୍ମପୁର ଉପଖଣ୍ଡ ପାଇକମାଲ ଥାନା ପାଇକମାଲର ନରସିଂହ ପଡାରୁ ସାମ୍ନାକୁ ଆସିଛି ଏହି ଦୁଃଖଦ ଘଟଣା । ମୃତ ଯୁବକ ହେଲେ ଗୋବିନ୍ଦ ପ୍ରଧାନ । ସେ ଶ୍ବଶୁର ଘର ଯାଇଥିବାବେଳେ ସେଠାରେ ତାଙ୍କୁ ପତ୍ନୀ ଓ ପତ୍ନୀଙ୍କ ପରିବାର ଲୋକ ଛୁରାମାରି ହତ୍ୟା କରିଥିବା ଅଭିଯୋଗ ହୋଇଛି ।
ଏନେଇ ଥାନେରେ ଏତଲା ଦେଇଛନ୍ତି ଗୋବିନ୍ଦ ପ୍ରଧାନଙ୍କ ବାପା ନିରଞ୍ଜନ ପ୍ରଧାନ । ଗତକାଲି ରାତିରେ ତାଙ୍କୁ ଛୁରା ମାଡ଼ ପରେ ପଦ୍ମପୁର ଉପଖଣ୍ଡ ଡାକ୍ତରଖାନାକୁ ଅଣାଯାଇଥିଲା । ସେଠାରେ ତାଙ୍କ ମୃତ୍ୟୁ ଘୋଷଣା କରିଥିଲେ ଡାକ୍ତର ।ତେବେ କେଉଁ ପରିସ୍ଥିତିରେ ଏବଂ କାହିଁକି ଏହି ଛୁରାମାଡ ଘଟିଲା ତାହା ଜଣାପଡି ନାହିଁ । ପାଇକମାଳା ଥାନାରେ ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି ।