ଭୁବନେଶ୍ୱର(ରାଜ୍ୟକାହାଣୀ)ଭୁବନେଶ୍ୱର ଏୟାରଫିଲ୍ଡ ଥାନା ଲବଣଗିରିରେ ଚେନ ଲୁଟ୍ ବେଳେ ଗାଡିରୁ ପଡି ମହିଳାଙ୍କ ମୃତ୍ୟୁ ଘଟଣା । ୪ ଶହ ସିସିଟିଭି ଦେଖି ଅଭିଯୁକ୍ତକୁ ଗିରଫ କଲା ପୋଲିସ । ତେବେ ଗାଡ଼ି ଚଳାଉଥିବା ଲୁଟେରା ଡ୍ରାଇଭର ଏବେ ବି ଫେରାର୍ ରହିଛି । ଫେରାର ଅଭିଯୁକ୍ତକୁ ଗିରଫ କରିବାକୁ ତନାଘନା ଚଲାଇଛି ପୋଲିସ । ସୂଚନାମୁତାବକ ଗତ ୧୧ ତାରିଖର ଘଟଣା । ଏୟାରଫିଲ୍ଡ ଥାନା ଲବଣଗିରିର ୟୁ.ବିଷ୍ଣୁ ପାତ୍ର ସ୍ବାମୀଙ୍କ ସହ ବାଇକରେ ଯାଉଥିବାବେଳେ ୨ ଜଣ ଲୁଟେରା ଲୁଟ୍ ଉଦ୍ୟମ କରିଥିଲେ । ମହିଳା ଗାଡିରୁ ପଡିଯାଇଥିବାବେଳେ ତାଙ୍କ ଚେନ୍ ନେଇ ପଳାଇଥିଲେ । ମହିଳାଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଥିଲା । ୧୩ ତାରିଖରେ ତାଙ୍କର ମୃତ୍ୟୁ ହୋଇଯାଇଥିଲା ।