ଭୁବନେଶ୍ୱର(ରାଜ୍ୟକାହାଣୀ ) କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଦଶପୁର ଥାନା କାର୍ଲି ଗାଁରେ ଏକ ଜଘନ୍ୟ ହତ୍ୟାକାଣ୍ଡ ଘଟିଛି।ପୁତୁରା ଜଣ ନିଜ କକା ଓ ଖୁଡ଼ୀଙ୍କୁ ଟାଙ୍ଗିଆରେ ହାଣି ହତ୍ୟା କରିଥିବା ଜଣାପଡିଛି । ଘଟଣାସ୍ଥଳରେ ପୋଲିସ ପହଁଚି ଅଭିଯୁକ୍ତ ପୁତୁରାକୁ ଅଟକ ରଖି ପଚରାଉଚରା କରୁଛି । ପାରିବାରିକ କଳହରୁ ଏହି ହତ୍ୟାକାଣ୍ଡ ଘଟିଛି ବୋଲି ସୂଚନା ମିଳିଛି ।ସୂଚନା ଅନୁସାରେ କଳାହାଣ୍ଡି ଜିଲ୍ଲା ଗୋଲାମୁଣ୍ଡା ଥାନା ଅନ୍ତର୍ଗତ କାର୍ଲି ଗ୍ରାମରେ ବୁଡ଼ୁ ବାଗଙ୍କ ଘର। ବୁଡ଼ୁ ଓ ତାଙ୍କର ସାନଭାଇ ପରିବାର ଭିତରେ କିଛି ଦିନ ହେଲା ପାରିବାରିକ ସଂପର୍କ ଭଲ ନଥିଲା। ଆଜି ଏହି କଳହ ଭୟଙ୍କର ରୂପ ନେଇଥିଲା। କୌଣସି କଥାକୁ ନେଇ ବୁଡ଼ୁ ନିଜ ପୁତୁରା ବସନ୍ତଙ୍କ ମଧ୍ୟରେ ବଚସା ହୋଇଥିଲା। ଏଥିରେ ବସନ୍ତ ଉତ୍କ୍ଷିପ୍ତ ଦେଖାଯାଇଥିଲା। ସେ ଘର ଭିତରୁ ଏକ କୁରାଢ଼ୀ ଆଣି ଅତର୍କିତ ଭାବେ ବୁଡୁ ବାଗ ଓ ତାଙ୍କ ସ୍ତ୍ରୀଙ୍କୁ ଆକ୍ରମଣ କରିଥିଲା।ସୂଚନା ପାଇ ପୁଲିସ ଘଟଣାସ୍ଥଳରେ ପହଞ୍ଚି ସ୍ବାମୀ-ସ୍ତ୍ରୀଙ୍କର ମୃତଦେହ ଜବତ କରିଛି। ମୃତଦେହକୁ ପୋଷ୍ଟମର୍ଟମ ପାଇଁ ପଠାଇଛି।