ମୁମ୍ବାଇ ଗେଟ୍ ପାଖରେ ବୁଡିଲା ବୋଟ୍ । ଯାତ୍ରୀରେ ପରିପୂର୍ଣ୍ଣ ଏକ ବୋଟ୍ ବୁଧବାର ମୁମ୍ବାଇ ସ୍ଥିତ ଇଣ୍ଡିଆ ଗେଟ୍ ପାଖରେ ବୁଡିଯାଇଚି । ୬୦ ଯାତ୍ରୀଙ୍କୁ ନେଇ ଯାଉଥିବା ଏକ ଘରୋଇ ବୋଟ୍ ଓଲଟି ପଡିବାରୁ ଜଣଙ୍କ ମୃତ୍ୟୁ ହୋଇଛି । ୨୦ ଜଣଙ୍କୁ ଉଦ୍ଧାର କରାଯାଇଥିବାବେଳେ ୩୯ ଜଣଙ୍କୁ ସନ୍ଧାନ କରାଯାଉଛି । ନୀଳକମଳ ନାମକ ଏହି ଘରୋଇ ବୋଟ୍ ଗେଟଓ୍ବେ ଅଫ୍ ଇଣ୍ଡିଆରୁ ଏଲିଫାଣ୍ଟା ଦ୍ବୀପ ପାଇଁ ଯାତ୍ରା ଆରମ୍ଭ କରିଥିଲା । ଏବେ ବି ସେଠାରେ ଉଦ୍ଧାର କାର୍ଯ୍ୟ ଜାରି ରହିଥିବା ସୂଚନା ରହିଛି । ଘଟଣାସ୍ଥଳରୁ ସାମନାକୁ ଆସିଥିବା ଭିଡିଓରେ ଯାତ୍ରୀମାନେ ଲାଇଫ୍ ଜ୍ୟାକେଟ୍ ପିନ୍ଧିଥିବା ନଜର ଆସୁଛନ୍ତି । ଯାତ୍ରୀମାନଙ୍କୁ ଅନ୍ୟ ଏକ ଡଙ୍ଗାରେ ସୁରକ୍ଷିତ ସ୍ଥାନରେ ନିଆଯାଇଛି । ଉଦ୍ଧାରକାର୍ଯ୍ୟରେ ନୌସେନା, ଜବାହାରଲାଲ ନେହରୁ ପୋର୍ଟ ଅଥରିଟି, କୋଷ୍ଟଗାର୍ଡ, ୟଲୋ ଗେଟ୍ ପୋଲିସ ଷ୍ଟେସନ ଏବଂ ସ୍ଥାନୀୟ ମତ୍ସ୍ୟଜୀବୀ ନିଜକୁ ସାମିଲ କରିଛନ୍ତି । ନୌସେନାର ୧୧ ବୋଟ୍, ସାମୁଦ୍ରିକ ପୋଲିସର ୩ ଏବଂ କୋଷ୍ଟଗାର୍ଡର ଗୋଟିଏ ଡଙ୍ଗାକୁ ଉଦ୍ଧରକାର୍ଯ୍ୟରେ ନିୟୋଜିକ କରାଯାଇଛି । ଏହାସହ ୪ ହେଲିକପ୍ଟରକୁ ସନ୍ଧାନ କାର୍ଯ୍ୟରେ ମୁତୟନ କରାଯାଇଛି ।