ଭୁବନେଶ୍ୱର(ରାଜ୍ୟକାହାଣୀ) ପୋଖରୀ କୂଳରେ ଥିବା ଗଛରେ ଝୁଲୁଛି ମୃତଦେହ । ଆଉ ଗଛ ତଳେ ଜଗିବସିଛି ପୋଷା କୁକୁର । ମୃତଦେହ ପାଖକୁ ଯିଏ ବି ଗଲେ କୁକୁରଟି ଭୁକିବା ସହ କାମୁଡ଼ି ଗୋଡ଼ାଉଛି । ଏଭଳି ଦୃଶ୍ୟ ଅନୁଗୁଳ ଟାଉନ ଥାନା ଅନ୍ତର୍ଗତ ରାଣୀଗୋଡା ଅଞ୍ଚଳରେ । ପୋଖରୀ ନିକଟରେ ଥିବା ଏକ ଜମ୍ବୁ ଗଛରେ ମୃତଦେହ ଝୁଲି ରହିଥିବା ବେଳେ ସମ୍ପର୍କୀୟ ହତ୍ୟା ଅଭିଯୋଗ ଆଣିଛନ୍ତି । ମଣିଆଙ୍କ ସମ୍ପର୍କୀୟମାନେ ପୋଖରୀ ନିଲାମ ନେଇଥିବା ମାଲିକଙ୍କ ଭୂମିକାକୁ ନେଇ ସନ୍ଦେହ ପ୍ରକାଶ କରିଛନ୍ତି । ଅନୁଗୋଳ ଟାଉନ ଥାନା ଅନ୍ତର୍ଗତ ରାଣୀଗୋଡା ପୋଖରୀ ନିକଟରେ ମଣିଆଙ୍କ ମୃତଦେହକୁ ଜଗି ରହିଛି ତାଙ୍କ କୁକୁର । ଆଜିକାଲିର ସମାଜରେ ମଣିଷ ମଣିଷର ଶତ୍ରୁ ସାଜି ପାଶବିକ ଆଚରଣ କରୁଥିବାବେଳେ କୁକୁରର ବିଶ୍ବସନୀୟତା ଦେଖଣାହାରୀଙ୍କୁ ସ୍ତବ୍ଧ କରିଛି । ମାଲିକର ମୃତ୍ୟୁ ପରେ ବି ମୃତଦେହକୁ ସୁରକ୍ଷା ଦେଉଛି କୁକୁର । ମାଲିକ ସିନା ନାହିଁ, ହେଲେ ନିଜ ଦାୟିତ୍ବ ଭୁଲିନି ମଣିଆଙ୍କ ବିଶ୍ବସ୍ତ କୁକୁର । ତେବେ ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।