ପୁରୀ (ରାଜ୍ୟକାହାଣୀ) ପୁରୀରେ ହତ୍ୟାକାଣ୍ଡ । ପଥର ଛେଚି, ଛେଚି ନିର୍ମମ ଭାବେ ହତ୍ୟା । ମୃତ ବ୍ୟକ୍ତି ହେଲେ ଖଣ୍ଡିଆବନ୍ଧ ଗାଁର ସୁଦର୍ଶନ ସାହୁ । ଖବର ଅନୁଯାୟୀ, ମଙ୍ଗଳବାର ବିଳମ୍ବିତ ରାତିରେ ଦୁଇ ବନ୍ଧୁଙ୍କ ସହ ଦୋକାନରୁ ଫେରୁଥିଲେ ସୁଦର୍ଶନ । ଏହି ସମୟରେ ଖଣ୍ଡିଆ ବନ୍ଧ ଗାଁର ସୁଦର୍ଶନ ସାହୁଙ୍କ କେହି ହତ୍ୟା କରିଛି । କିଏ ହତ୍ୟା କରିଛି, ଏନେଇ ଅସ୍ପଷ୍ଟ ରହିଛି । ହେଲେ ସୁଦର୍ଶନଙ୍କୁ ପଥରରେ ଛେଚି ହତ୍ୟା କରାଯାଇଥିବା ସୂଚନା ମିଳିଛି ।ଆଜି ସକାଳୁ ଶ୍ରୀସେତୁ ତଳୁ ସୁଦର୍ଶନଙ୍କ ମୃତଦେହ ମିଳିଛି । ମୃତଦେହକୁ ଜବତ କରି ତଦନ୍ତ ଆରମ୍ଭ କରିଛି ଟାଉନ ଥାନା ପୋଲିସର ।ପୂର୍ବ ଶତ୍ରୁତାକୁ କେନ୍ଦ୍ର କରି ହତ୍ୟାକାଣ୍ଡ ହୋଇଥିବା ସନ୍ଦେହ କରୁଛି ପୋଲିସ । ଶବ ବ୍ୟବଚ୍ଛେଦ ରିପୋର୍ଟ ଏବଂ ପୋଲିସର ପ୍ରାଥମିକ ରିପୋର୍ଟ ଆସିବା ପରେ କିଏ ଓ କାହିଁକି ହତ୍ୟା କରିଲା । ସେନେଇ ସ୍ପଷ୍ଟ ସୂଚନା ମିଳିବ ବୋଲି ଆଶା କରାଯାଉଛି ।