ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ ଜାରି ରହିଛି ଭୋଟ ଗଣତି । ବିଜେପି ମେଣ୍ଟର ମହାୟୁକ୍ତି ସତ୍ତା ହାସଲ କରିବାର ଦେଖିବାକୁ ମିଳୁଛି । ତେବେ ଏଠାରେ ଥିବା ବର୍ସୋବା ସିଟ ଚର୍ଚ୍ଚାରେ ରହିଛି । ଏଠାରେ ଶିବସେନା ଉଦ୍ଧବ ଠାକରେ ଗୋଷ୍ଠୀର ପ୍ରାର୍ଥୀ ହାରୁନ ଖାନ ୧୬ ଶହ ଭୋଟରେ ବିଜୟୀ ହୋଇଛନ୍ତି । ସେହିପରି ତାଙ୍କ ପଛକୁ ବିଜେପିର ଭାରତୀ ଲାଭେକର ଦ୍ୱିତୀୟ ସ୍ଥାନରେ ରହି ପରାଜିତ ହୋଇଛନ୍ତି । ତେବେ ମହାରାଷ୍ଟ୍ର ବିଧାନସଭା ନିର୍ବାଚନରେ ଭର୍ସୋଭା ଆସନ ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଛି । ନଗିନା ସାଂସଦ ଚନ୍ଦ୍ରଶେଖର ଆଜାଦଙ୍କ ପାର୍ଟି ଆଜାଦ ସମାଜ ପାର୍ଟି (କାଂଶୀ ରାମ) ପକ୍ଷରୁ ନିର୍ବାଚନ ଲଢ଼ୁଥିଲେ ଆକ୍ଟର ଏଜାଜ୍ ଖାନ । କିନ୍ତୁ ୧୮ ରାଉଣ୍ଡ ଶେଷ ସୁଦ୍ଧା ତାଙ୍କୁ ମିଳିଛି ମାତ୍ର ୧୫୫ ଖଣ୍ଡ ଭୋଟ୍ । ସବୁଠୁ ଆଶ୍ଚର୍ଯ୍ୟ କଥା ହେଉଛି, ଏଜାଜ୍ ଖାନଙ୍କର ଇନଷ୍ଟାଗ୍ରାମରେ ୫.୬ ମିଲିୟନ ଫଲୋୟର୍ସ ଥିବା ବେଳେ ଫେସବୁକରେ ଅଛନ୍ତି ୪.୧ ମିଲିୟନ ଫଲୋୟର୍ସ ।