ଭୁବନେଶ୍ୱର(ରାଜ୍ୟକାହାଣୀ)ମଣିଷକୁ ଖାଉଥିଲା ବାଘ l ହେଲେ ଏବେ ବାଘକୁ ଖାଇ ଯାଇଛନ୍ତି ମଣିଷ l ଏମିତି ଘଟଣା ଘଟିଛି ନୂଆପଡା ଜିଲ୍ଲାରେ l ନୂଆପଡା ଜିଲ୍ଲା କୋମନା ବନବିଭାଗ ରେଞ୍ଜ ଅନ୍ତର୍ଗତ ଦେଓଧରା ଗାଁରେ ବନବିଭାଗର ସ୍ୱତନ୍ତ୍ର ଟିମ ଚଢ଼ାଉ କରିଛି l ବାଘକୁ ମାରି ମାଂସ ଖାଇଯାଇଥିବା ଅନୁମାନ ।ତେବେ ବାଘର ମୃତ୍ୟୁ ନେଇ ଖବର ପାଇବା ପରେ ନୂଆପଡା ବନ ବିଭାଗ ପକ୍ଷରୁ ଚାରୋଟି ଟିମ୍ ଗଠନ କରାଯାଇଥିଲା । ଏହି ଟିମ୍ ସୁନାବେଡା ଅଭୟାରଣ୍ୟର ପାଦ ଦେଶରେ ଥିବା ଦେଓଦର୍ହା ଗାଁରେ ଚଢ଼ାଉ କରିଥିଲେ । ବାଘର ମୁଣ୍ଡ ସହ ଖଣ୍ଡ ବିଖଣ୍ଡିତ ମୃତଦେହ ଉଦ୍ଧାର ହୋଇଥିବା ବେଳେ ବାଘର କିଛି ଅଂଶ ନଥିବା ସୂଚନା ମିଳିଥିଲା ।ଏଥିସହ ଏହି ଘଟଣାରେ ସମ୍ପୃକ୍ତଥିବା ୨ ଜଣ ଶିକାରୀକୁ ବନବିଭାଗ କାବୁ କରିବାରେ ସଫଳ ହୋଇଥିବା ବେଳେ ଅନ୍ୟ ୨ଜଣ ଶିକାରୀ ଏବେବି ଫେରାର ଅଛନ୍ତି l ସେମାନଙ୍କୁ ଗିରଫ କରିବା ପାଇଁ ବନବିଭାଗ ପକ୍ଷରୁ ଜୋରଦାର ତନାଘନା ଜାରି ରହିଛି