ବଲିଉଡର ସବୁଠାରୁ ଲୋକପ୍ରିୟ ତଥା ସୁନ୍ଦରୀ ଅଭିନେତ୍ରୀ, ଐଶ୍ୱର୍ଯ୍ୟା ରାୟ ବଚ୍ଚନ । ଉଭୟ ସୌନ୍ଦର୍ଯ୍ୟ ଏବଂ ଅଭିନୟରେ ଐଶ୍ୱର୍ଯ୍ୟା ସମସ୍ତ ଅଭିନେତ୍ରୀଙ୍କୁ ଟକ୍କର ଦିଅନ୍ତି । ଐଶ୍ୱର୍ଯ୍ୟା ୧ ନଭେମ୍ବର ୧୯୭୩ ରେ କର୍ଣ୍ଣାଟକରେ ଜନ୍ମଗ୍ରହଣ କରିଥିଲେ। ହିନ୍ଦୀ ଚଳଚ୍ଚିତ୍ର ବ୍ୟତୀତ ଐଶ୍ୱର୍ଯ୍ୟା ତାମିଲ ଚଳଚ୍ଚିତ୍ରରେ ମଧ୍ୟ ଅଭିନୟ କରିଛନ୍ତି। ଐଶ୍ୱର୍ୟ୍ୟା ରାୟଙ୍କ କୋଟିକୋଟି ଫ୍ୟାନ୍ସ । ତାଙ୍କ ଇନଷ୍ଟାଗ୍ରାମ ଫଲୋର୍ସ ସଂଖ୍ୟା ଏବେ ୧୪.୩ ମିଲିୟନ । କିନ୍ତୁ ଆପଣ ଆଶ୍ଚର୍ଯ୍ୟ ହେବେ ଯେ, ଐଶ୍ୱର୍ଯ୍ୟା ଇନଷ୍ଟାଗ୍ରାମରେ କେବଳ ଜଣଙ୍କୁ ହିଁ ଫଲୋ କରିଛନ୍ତି । ଆଉ ସେହି ବ୍ୟକ୍ତି ଜଣଙ୍କ ହେଉଛନ୍ତି ତାଙ୍କ ସ୍ୱାମୀ ଅଭିଶେକ ବଚ୍ଚନ । ତେବେ ବିବାହ ବିଚ୍ଛେଦ ଖବର ମଧ୍ୟରେ ଏହି ଖବର କପଲଙ୍କ ସମ୍ପର୍କ ସମ୍ପୂର୍ଣ୍ଣ ଠିକ୍ ଥିବା ସୂଚାଉଛି । ଏବେ ବି ଐଶ୍ୱର୍ଯ୍ୟା ଏବଂ ଅଭିଶେକଙ୍କ ସମ୍ପର୍କ ମଧୁର ଅଛି ବୋଲି ଅନୁମାନ କରାଯାଉଛି । ତେବେ ଐଶ୍ୱର୍ଯ୍ୟା ହେଉଛନ୍ତି ବିପୁଳ ଧନର ମାଲିକାଣୀ । ଏବେ ଐଶ୍ୱର୍ଯ୍ୟା ରାୟ ଚଳଚ୍ଚିତ୍ରରେ କମ୍ ସକ୍ରିୟ ଅଛନ୍ତି । ଏହା ସତ୍ତ୍ୱେ ସେ ପ୍ରତିବର୍ଷ କୋଟି କୋଟି ଟଙ୍କା ରୋଜଗାର କରନ୍ତି। ଐଶ୍ୱର୍ଯ୍ୟା ରାୟ ଧନ ଦୃଷ୍ଟିରୁ ଅନେକ ଭେଟେରାନ୍ ତାରକାଙ୍କୁ ପଛରେ ପକାଇଛନ୍ତି । ବଲିଉଡର ସର୍ବାଧିକ ପାରିଶ୍ରମିକ ପ୍ରାପ୍ତ ଅଭିନେତ୍ରୀମାନଙ୍କ ମଧ୍ୟରୁ ଐଶ୍ୱର୍ଯ୍ୟା ଅନ୍ୟତମ। କେବଳ ଏତିକି ନୁହେଁ, ଐଶ୍ୱର୍ଯ୍ୟାଙ୍କ ସମ୍ପତ୍ତିର ମୂଲ୍ୟ ତାଙ୍କ ସ୍ୱାମୀ ଅଭିଷେକ ବଚ୍ଚନଙ୍କଠାରୁ ବହୁତ ଅଧିକ ।