ଭୁବନେଶ୍ୱର(ରାଜ୍ୟକାହାଣୀ)ନକଲି ପୋଲିସକୁ ବାନ୍ଧିଲା ପୋଲିସ । ତିନି ଲୁଟେରାଙ୍କୁ କାବୁ କରିବା ପରେ ପୂରା ଘଟଣା ସାମନାକୁ ଆସିଛି । ଖବର ଅନୁସାରେ ଗିରଫ ତିନି ଜଣ ନୂଆଁପଡ଼ା ଜିଲ୍ଲାରୁ ଭଡ଼ା ସୂତ୍ରରେ ଏକ ବୋଲେରୋ ଯୋଗେ ବଲାଙ୍ଗୀର ଜିଲ୍ଲା ମୁରିବାହାଲ ଗାଁକୁ ଆସିଥିଲେ । ତେବେ ମୁରିବାହାଲ ଗାଁର ଏକ ନିଛାଟିଆ ଜାଗାରେ ବୋଲେରୋ ମାଲିକଙ୍କୁ ଧମକ ଦେଇ ଗାଡ଼ି ଲୁଟିବା ପାଇଁ ଉଦ୍ୟମ କରିଥିଲେ । କିନ୍ତୁ ଏହି ଲୁଟ ଯେ ସେମାନଙ୍କୁ ମହଙ୍ଗା ପଡିବ ସେମାନେ କେବେ ବି ଭାବି ନଥିଲେ । ମୁଖ୍ୟ ଅଭିଯୁକ୍ତ ସହ ୩ ଜଣଙ୍କୁ ଗିରଫ କରିଛି ମୁରିବାହାଲ ପୋଲିସ |ଅଭିଯୁକ୍ତଙ୍କ ଠାରୁ ନକଲି ଆଇପିଏସ ଅଫିସର ୟୁନିଫର୍ମ, ନକଲି କ୍ରାଇମ ବ୍ରାଞ୍ଚ ଅଫିସର ଆଇଡି କାର୍ଡ, ଭୁବନେଶ୍ବର ସ୍ପେଶାଲ ସ୍କ୍ବାର୍ଡ ପୋଷାକ ସହ ବିଭିନ୍ନ ନକଲି ସାମଗ୍ରୀ ଜବତ କରିଛି ପୋଲିସ ।