ଆମେରିକାର ସାନ ଫ୍ରାନ୍ସିସ୍କୋରୁ ମୁମ୍ବାଇ ଆସୁଥିବା ଏକ ଏୟାର ଇଣ୍ଡିଆ ବିମାନରେ ଦେଖିବାକୁ ମିଳିଛି ଅସରପା। ଏହି ଘଟଣାକୁ ନେଇ ବିବାଦ ବଢ଼ିବା ପରେ, ଏୟାର ଇଣ୍ଡିଆ ଏକ ବିବୃତ୍ତି ଜାରି କରି କ୍ଷମା ମାଗିଛି। ଏୟାରଲାଇନ୍ସ କହିଛି ଯେ, ଭବିଷ୍ୟତରେ ଏପରି ଘଟଣା ରୋକିବା ପାଇଁ ଉପଯୁକ୍ତ ପଦକ୍ଷେପ ନିଆଯିବ।ବିମାନରେ ଅସରପା ମିଳିବା ପରେ ବିବାଦ ବଢ଼ିଥିଲା, ଯାହା ପରେ ଏୟାର ଇଣ୍ଡିଆ ଏକ ବିବୃତ୍ତି ଜାରି କରି କ୍ଷମା ମାଗିଛି। ଏୟାରଲାଇନ୍ସ କମ୍ପାନୀ କହିଛି, ସାନ ଫ୍ରାନ୍ସିସ୍କୋରୁ କୋଲକାତା ଦେଇ ମୁମ୍ବାଇ ଯାଉଥିବା ବିମାନ AI180 ରେ ଦୁଇଜଣ ଯାତ୍ରୀ ଦୁର୍ଭାଗ୍ୟବଶତଃ କିଛି ଛୋଟ ଅସରପା ଦେଖିବା ପରେ ଅସହଜ ଅନୁଭବ କରିଥିଲେ। ଆମର କ୍ୟାବିନ କ୍ରୁ ତୁରନ୍ତ ପ୍ରତିକ୍ରିୟା ପ୍ରକାଶ କରି ଉଭୟ ଯାତ୍ରୀଙ୍କ ସିଟ ପରିବର୍ତ୍ତନ କରି ସମାନ କ୍ୟାବିନରେ ଅନ୍ୟ ଏକ ସ୍ଥାନରେ ବସାଇଥିଲେ, ଯେଉଁଠାରେ ସେମାନେ ପରେ ଆରାମଦାୟକ ଥିଲେ।ଏୟାର ଇଣ୍ଡିଆ କହିଛି, ଯାତ୍ରୀମାନଙ୍କୁ ହୋଇଥିବା ଅସୁବିଧା ପାଇଁ ଆମେ କ୍ଷମା ପ୍ରାର୍ଥନା କରୁଛୁ। ପ୍ରତିଦିନ ସଫା କରିବା ସତ୍ତ୍ୱେ, କେତେକ ସମୟରେ କୀଟପତଙ୍ଗ ବିମାନ ଭିତରକୁ ପ୍ରବେଶ କରିଯାଆନ୍ତି। ବିମାନ ଭିତରକୁ ଅସରପା କିପରି ପ୍ରବେଶ କଲା? ଏହାର ତଦନ୍ତ କରାଯାଉଛି।